ILOILO CITY — Nagdepensa ang Police Regional Office 6 angot sa pagpahibalo sa mga alkalde nga wala na nadala ang mga pangalan sa pinakaulihi nga listahan bilang drug protectors ukon coddlers.
Suno kay PSupt Gilbert Gorero, wala sang kung ano man nga public pronouncement nga ginhimo si PCSupt. Jose Gentiles, Regional Director sang PRO 6, kag ginsunod lamang ang mandu sang Department of the Interior ang Local Government (DILG) nga ipakita sa mga Local Chief Executives ang listahan agud magamit man sang mga ini sa ila anti-drugs campaign.
Dugang pa ni Gorero nga wala naghatag sang sabat si Gentiles sa iban pa nga nagapamangkot angot sa listahan kung indi sila ang natungdan.
May kaangtanan diri, liwat nga ginpahanumdom ni Gorero ang mga natungdan nga ang indi pagkalakip sang ila pangalan sa pinakaulihi nga listahan ang wala nagakahulugan nga cleared na ang mga ini.
Suno kay Gorero, si Presidente Rodrigo Duterte gid lamang ang makapahayag nga cleared na ang mga natungdan nga local chief executives.