ILOILO CITY–Ginpabugal sang pamunuan sang Police Regional Office (PRO) 6 ang ila madinalag-on nga pagpatuman sang 14 ka mga search warrant sa banwa sang Estancia, Sara, Lemery kag Banate Iloilo.
Sa banwa sang Sara, Iloilo, lakip sa mga ginserbehan amo sanday former Sara Iloilo Mayor Neptali Salcedo apang wala ini sa iya balay; Noel Salcedo; dismissed SPO4 Nerio “Ricky” Salcedo  nga napatay sa operasyon; Punong Barangay Tartar Sahar kag Atty. James Balsomo.
Sa banwa sang Lemery, Iloilo, ginserbehan si Nixon Salcedo Jr. nga yara sa Sara, Iloilo sang amo nga tion.
Sa banwa sang Estancia, Iloilo, ginserbehan si Frank George “Jojo” Sanson, apang wala ini sa iya balay.
Sa banwa sang Estancia Iloilo, ginserbehan si  Nestor Diboso Arante  nga ginatudlo provider sang mga armas sa mga gun for hire sa kinto distrito.
Lakip naman sa naaresto amo sanday Sara, Iloilo Mayor Ermelita Salcedo, live in partner ni SPO4 Salcedo nga si alyas “Babe” nga naga edad sang 16 anyos kag si  Arante.
Gin-athag man ni Bulalacao nga wala sang kahilabtanan ang ila operasyon si retired Brigadier General Jon Aying nga magapadalagan bilang alkalde sang sang Sara, Iloilo.