ILOILO CITY– Ginpasidunggan bilang highest performing regional office sa implementasyon sang PNP Anti Crime Strategy “Enhanced Managing Operations ‘ ang Police Regional Office 6.
Sa interview sang Bombo Radyo kay Police Lt.Col. Joem Malong spokesperson sang Police Regional Office 6 iya ginpahayag nga ginbatun ni Police Regional Office 6 Director Police Brigadier General Rene Pamuspusan ang nasambit nga award sa ginhiwat nga 118TH Police Service Anniversary.
Suno kay Malong ini bangud ang Rehiyon VI ang may dako nga pagnubo sang crime volume.
Pahayag ni Malong, ini bangud man sa maayo nga implementasyon sang programa kontra kriminalidad nga sang una nag-umpisa bilang Oplan Lambat Sibat kag sa subong kilala na bilang Enhance Managing Police Operations nga isa ka anti crime strategy.
Dako ang ila pagpasalamat suno kay Malong bangud sa special citation nga ginhatag mismo sang Presidente.
Sa subong suno sa natungdan, ila ginahandaan ang selebrasyon sang 188th Police Service Anniversary sa Rehiyon sa diin mangin dinapit nga bisita si PNP Chief Oscar Albayalde.
