Ginpasiguro sang Police Regional Office 6 nga mapatuman nila ang nagakaigo nga security measures sa Dinagyang Festival apisar nga wala sang signal jamming.
Sa interview sang Bombo Radyo kay PBGen Jack Wanky, director sang Police Regional Office 6, iya ginpahayag nga ginmando na niya sa tanan nga personnel nga magpatigayon gid sang strikto nga screening sa mga tawo nga nagasulod sa tanan nga activity areas.
Suno kay Wanky, siya mismo ang nakahangop nga mabudlay gid man kun may yara sang signal jamming gani himuon nila ang tanan agud mapaluntad ang kalinong kag katawhay sa kabilugan nga Dinagyang festivities.
Kahapon sang ginpatigayon ang send-off ceremony sang kapin 7,200 ka mga uniformed personnel kag force multipliers nga magabantay sa Dinagyang Festival 2025.
Ini ginabug-usan sang mga myembro sang Philippine National Police, Bureau of Fire Protection, Philippine Army, Philippine Coast Guard, Bureau of Jail Management and Penology kag mga volunteer groups.
