ILOILO CITY- Wala pa sang na-monitor nga presensya sang Philippine Offshore Gaming Operators hubs sa Western Visayas ang Police Regional Office 6.
Sa interview sang Bombo Radyo kay Police Brigadier General Jack Wanky, director sang Police Regional Office 6, iya ginpahayag nga sa pihak sini, padayon ang ila pagbantay sa rehiyon kag gina-verify kun may yara sila sang mabaton nga impormasyon.
Suno kay Wanky, nagapangabay man ini sa mga pumuluyo nga mangin mabinantayon man kag gilayon ipahibalo sa otoridad kun may yara sang makaduluda nga mga aktibidad kag mga indibidwal sa ila palibot.
Una na ginpahayag sang pamunuan sang Police Regional Office 6 nga handa sila mag- operate kun may ma-monitor nga violation kag magabulig man ang national support units kaangay sang Criminal Investigation and Detection Group (CIDG) kag Regional Anti-Cyber Crime Unit.
