Hugot nga ginapatuman sang Police Regional Office 6 (PRO6) ang non-partisan policy sa mga katapo nga kapulisan subong nga 2025 midterm elections.
Sa interview sang Bombo Radyo kay Police Lieutenant Colonel Arnel Solis, spokesperson sang Police Regional Office 6, iya ginpahayag nga ang talatapan ang dapat magpabilin nga neutral ilabi na nga nagatrabaho sa gobyerno ang kapulisan.
Suno kay Solis, may mga pagsulundan ukon rekisitos nga dapat sundon agud nga mapabilin ang loyalty para sa pungsod kag indi sa kandidato.
Ginpahayag man sini nga gina-abi-abi sang PRO6 kon may pulis gidman nga magpakita sang iya suporta apang nagakinahanglan sa gihapon nga sundon ang layi kag indi dapat maglapaw sa limitasyon.
Nakadependi na man sa nakomiter nga bayolasyon sang isa ka pulis ang magapangatubang sini nga silot.
