ILOILO CITY – May yara na sang bag-o nga Regional Director ang Police Regional Office (PRO) 6.
Si Police Brigadier Gen. Rene Pamuspusan, director sang Headquarters Support Service (HSS), ang magabulos kay Police Brigadier General John Bulalacao bilang PRO-6 Director.
Si Police Brigadier General Jesus Cambay Jr., ang bag-o nga director sang Headquarters Support Service (HSS) sa Camp Crame samtang si Police Colonel Remus Zacharias Canieso naman ang bag-o nga acting Deputy Regional Director for Administration sang PRO-6.
Sa interview sang Bombo Radyo kay Police Lt. Col. Joem Malong, tagpamaba sang PRO-6, iya ginpahayag nga nahitso na ang patigayunon nga turn-over of command kadungan sang pagretiro ni Gen. Bulalacao buwas nga adlaw.
Ang turn-over of command ang pagapangunahan ni Police Lt. Gen. Archie Francisco Gamboa nga deputy chief for operations sang Philippine National Police (PNP).
