ILOILO CITY- Ginrelieve na bilang regional director sang Police Regional Office- 6 si Police Brigadier General Rene Pamuspusan.
Sa interview sang Bombo Radyo kay Pol. Lt. Col. Joem Malong, spokesperson sang Police Regional Office- 6, iya ginkumpirma ang nasambit nga relieve order nga napetsahan Nobyembre 29.
Suno kay Malong, epektibo Sa Disyembre 1 ang pagpungko sang bag-o nga regional director nga si PBGen. Rolando F. Miranda nga anay chief sang Manila Police District.
Iga-assign naman sa Directortate for Plans sa Campo Crame si Pamuspusan.
Matandaan nga nagpungko si Pamuspusan bilang regional director sang Police Regional Office- 6 sang Hunyo 2019 sang iya ginbuslan ang nagretiro nga si Brigadier General John Bulalacao.
Patigayunon naman ang turn-over ceremony sa Mierkules,Disyembre 2,alas-dos sa hapon.
