ILOILO – Naalarma ang Police Regional Office 6 sa nagataas nga numero sang suicide sa Western Visayas.
Santo sa record sang Police Regional Office 6, sang 2017, naglab-ot sa 167 ang numero sang naghikog, 189 naman sa 2018 kag humalin sang Enero tubtub Agosto 2019, nagdangat na sa 147 ang suicide incident.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga humalin sang 2017, ang probinsya sang Iloilo ang nagapanguna sa listahan sa may pinakamadamo nga kaso sang suicide incidents.
Suno kay Malong, tubtub nga indi makumpirma nga nga suicide ang kamatayon sang isa ka biktima, ila ini nga gina-imbestigaran.
Bangud nga ang Philippine National Police ang indi makabig nga lead agency sa pagtapna sang suicide incidents, ginpahayag ni Malong nga magabulig lang sila sa mga nagakaigo nga ahensya sang gobyerno sa pagpatigayon sang programa nga nakatuon sa mental health.
