ILOILO CITY – Ginahulat pa sang Philippine National Police ang guidelines may kaangtanan sa pagpahanugot sa bulang kasunod sang memorandum nga ginpaguwa sang National Inter-Agency Task Force.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga apisar may yara na sang pahanugot apang wala pa sa gihapon sang bulang sa bug-os nga Western Visayas.
Suno kay Malong, wala sang problema sa bahin sang Philippine National Police ang pagpatigayon sang bulang apang ila lang nga ginapasigurado nga istrikto nga napatuman kun ano man ang nakasaad sa guidelines.
Ginpahayag ni Malong nga ang mga lisenyado lamang nga bulangan ang pahanugutan nga maka-operate kag ini ang nakadepende sa tagsa ka Local Government Unit.
Humalin sang Marso tubtub Setyembre kun sa diin may yara sang community quarantine, naglab-ot na sa 156 ka police operation ang natigayon kag kapin sa 600 ang nadakpan bangud lamang sa bulang.
