ILOILO CITY – Padayun nga sundon sang Philippine National Police ang layi sa pungsod may kaangtanan sa pagpanakop sang mga violators.
Ini ang may kaangtanan sa ‘shoot them dead’order ni Presidente Rodrigo Duterte.
Sa interview sang Bombo Radyo kay Police Lt. Col. Joem Malong, Spokesperson sang Police Regional Office 6, iya ginpahayag nga sundon nila kun ano ang nasaad sa layi.
Suno kay Malong, sa tagsa ka sila ang mag-aresto, wala nila ginakalimtan nga respetuhon ang tawhanun nga kinamatung sang indibidwal.
Pahayag pa niya, indi sila basta-basta nga makagamit sang ila armas ang mga pulis bangud ginagamit ini bilang pagprotekta sa mga pumuluyo kag sa ila mismo kaugalingon sa tion sang operation.
Samtang , ginpahayag man ni Malong nga kun may makita sila nga nagapanakit sa mga frontliners nga ginalakipan sang mga doktor, nurses, health workers kag iban pa, ila ini paga-arestuhon.
Suno kay Malong, ano man nga oras, mahimo makapalapit sa kapulisan ang mga medical health workers agud magpangayo sang bulig, sa tion nga ginadiscriminate kag ginaskait sila sang pila ka mga pumuluyo.
