𝗜𝗟𝗢𝗜𝗟𝗢 𝗖𝗜𝗧𝗬 — Naghiwat kahapon nga adlaw ang Police Regional Office 6 (PRO 6) sang Kick-off Ceremony sang 29th Police Community Relations Month nga may tema nga “Ligtas ka sa Bagong Pilipinas” sa Multi-purpose Hall, Camp Gen Martin Teofilo B Delgado, Iloilo City.
Sa interview sang Bombo Radyo kay Police Lieutenant Colonel Arnel Solis, spokesperson sang Police Regional Office 6, iya ginpahayag nga ginsugudan ang kahiwatan sang Flag Raising kag ginsundan sang Awarding Ceremony para sa mga katapo sang kapulisan kag mga stakeholders.
Suno kay Solis, ginpasakopan man ang selebrasyon ni Atty. Jerome LB. Asuga, ang Regional Director sang National Police Commission (NAPOLCOM) Region 6, kag nagserbi man bilang guest of honor and speaker sang kahiwatan.
Ginpahayag man sini nga lakip sa mga nagpasakop sa aktibidad amo ang PRO 6 Command Group, mga Regional kag Personal Staff, mga Hepe, kag katapo sang National Support Units.
Tuyo naman sang kahiwatan nga mapakita ang dedikasyon kag paghugpong sang Philippine National Police sa patag sang pagserbisyo sa mga Filipino.
