ILOILO – Nagpanugyan ang Police Regional Office 6 nga everify anay sa mga kapulisan kun makabaton sang mensahe natuhoy sa puti nga van nga ginapahayag nagapang abduct.
Nahibaluan nga una na nga ginpanginwala sang kapulisan ang natuhoy sa nasambit nga isyu.
Sa interview sang Bombo Radyo kay Pol Lt. Col Joem Malong tagapamaba sang Police Regional Office 6 iya ginpahayag nga kun makabaton sang nasambit nga mensahe indi anay pagipalapat kag iverify anay sa mga kapulisan agud gilayon nga ma imbestigahan kun ini ang matuod.
Suno kay Malong, magapangatubang man sang nagakaigo nga silot ang sinuman nga nagapalapta sang indi matuod nga mensahe bangud ini ang naga resulta sang kakugmat kag panic sa mga pumuluyo.
Dugang sang natungdan, padayon na ang ginapatigayon nga imbestigasyon sang cyber crime unit sang kapulisan agud matumod ang ginhalinan sang nasambit nga mensahe.
