Nagpanawagan ang Police Regional Office 6 (PRO 6) sa publiko nga mangin responsable sa paggamit sang palupok kag likawan ang paggamit sang mga iligal nga pyrotechnic devices kag boga.
Sa interview sang Bombo Radyo kay Police Brigadier General Jack Wanky, Regional Director sang Police Regional Office 6, iya ginpahayag nga nagakoordinar na sila sa tagsa ka mga barangay officials sa kabarangayan agud mas mapabaskog ang pagbantay kag malikawan ang firecracker related injuries.
Suno kay Wanky, naghatag naman siya sang mando sa mga unit commanders, city directors, station commanders, kag chief of police nga magpakig-angot sa mga local government unit (LGU).
Nagapati man ang natungdan nga ang tikang ang makabulig agud nga mapatuman sang matalunsay ang kampanya batok sa iligal nga mga pyrotechnic devices.
