Narekober sang Police Regional Office (PRO) 6 ang 3,683 tanan ka loose kag voluntarily surrendered firearms sa bug-os nga Western Visayas halin sang tuig 2019.
Base sa datos sang PRO 6, ang nasambit nga numero ang ginabug-usan gikan sa Antique PPO nga may yara sang masobra 1,200 kun sa diin ang pinakamadamo ang narekober.
Ginsundan naman ini sang Aklan PPO nga may yara sang 978 kun sa diin ang 862 ang yara sa kustodiya kag 116 naman ang yara na sa Regional Forensic Unit), ika-tatlo amo ang Iloilo PPO nga may yara sang 959, ika-apat ang Iloilo City nga may yara sang 177 kun sa diin 39 yara sa kustodiya kag 138 naman ang yara na sa Regional Forensic Unit.
Ang Capiz PPO naman ang may yara sang 175 nga narekober, Regional Mobile Force Battalion (RMFB) 6 nga may 121, kag Guimaras PPO nga may 37.
Suno kay PRO 6 Acting Director Police Brigadier General Randulf Tuaño, 90% sa narekober nga armas luthang amo ang homemade kag indi mga lisensyado.
Pahayag pa niya nga 20% tubtob 30% sang mga ini ang posible nga magamit pa sa krimen kun wala narekober sang mga kapulisan.
Ginpahayag man sini nga pagasiguradohon nga ipang-demilitarized ang mga pusil agud indi na ini magamit pa sang mga sibilyan ilabi na ang mga nagatuyo magbuhat sang krimen.
Ang armas luthang ang igapaidalum sa ballistic examination agud nga magadeterminar kun ang mga ini ang gingamit sa krimen nga nagluntad sa rehiyon.
Pagkatapos sang examination, kabahin sa proseso ang pag-separate sang mga armas luthang kun sa diin ang mga human sa kahoy ang iga-panghaboy kag iga-scrap naman ang human sa mga metal.
Dugang pa ni PBGen Tuaño nga iya ginapalab-ot sa publiko nga mas maayo nga i-surrender na lang nila ang ila mga ginahupot nga nga armas luthang kaysa ipaidalom pa ang mga ini sa police operations kag magapangatubang sang penalidad.
