ILOILO CITY – Naglab-ot na sa 87 ang reklamo nga nabaton sang Police Regional Office 6 may kaangtanan sa Social Amelioration Program.
Sa interview sang Bombo Radyo kay Police Lt. Col. Gilbert Gorero, Acting Public Information Officer sang Police Regional Office 6, iya ginpahayag nga ang nasambit nga mga reklamo ang nabaton paagi sa hotline nga 09998654625.
Suno kay Gorero, kalabanan ang nagareklamo nga wala nakabaton sang cash assistance apisar nga nalakip sa listahan ang ila pangalan kag may yara man sang nagareklamo nga ginbuhinan ang ila P6,000 nga cash assistance.
Ginpahayag ni Gorero nga as of May 13, ang Iloilo ang may 37 ka reklamo, 38 naman sa Iloilo City, 2 sa Antique, 4 sa Aklan, 1 sa Capiz, 1 sa Negros Occidental kag 2 sa Guimaras.
May kaangtanan diri, apat na ang napasakaan sang kaso may kaangtanan sa anomaliya sa Social Amelioration Program.
