ILOILO CITY – Nakahanda na ang Police Regional Office (PRO) 6 may kangtanan sa pagsaulog sang Semana Santa.
Sa interview sang Bombo Radyo kay Police Lt. Col. Joem Malong, tagpamaba sang PRO-6, iya ginpahayag nga may yara na sila sang naplastar nga security plan para sa semana santa kag ini ang kabahin sang Oplan Summer Vacaation (SUMVAC).
Suno kay Malong, magapahamtang sila sang police assistance desk sa mga pilgrimage sites kun sa diin nagadugok ang mga tawo agud magpalanadong.
May yara man sang mga assistance desk sa iban pa nga mga tourist site sa rehiyon kun sa diin ginalauman man ang pagdagsa sang mga tawo.
Pagapasanyugon naman suno sa PRO-6 Spokesperson ang intelligence gathering sang kapulisan bangud mahimo nga ang semana santa ang gamitun sang iban agud makapanghalit.
Nagpanugyan si Malong nga indi pag-ibilin nga wala sang tawo ang balay bangud mahimo nga gamitun ini nga tion sang mga kawatan agud makapamintaha.
Kun indi malikawan, mahimo man nga pabantayan sa kasilingan ang propedad kag likawan ang pagpost sa social media sang mga lugar nga pagakadtuan.
