ILOILO — Padayon ang pagpatigayon sang surprise drug test ang Police Regional Office (PRO) 6 sa ila katapo nga mga pulis sa rehiyon agud masiguro nga wala sang sin-o man ang imbolbado sa iligal nga druga.
Sa interview sang Bombo Radyo kay Acting Regional Director Police Brigadier General Jack Limpayos Wanky, iya ginpahayag nga mas hugton sang talatapan ang drug test sa mga kapulisan agud masigurado nga seryoso sila sa tikang nga ila ginapatuman.
Suno kay Wanky, gina-require niya ang 100% nga surprise drug test sa tanan nga katapo sang PRO6 sa kada tuig.
Nagpaandam man ini sa mga chief of police kag head of office sang tagsa ka units nga sila ang may salabton man kun matukiban nga nagagamit sang iligal nga druga ang ila katapo.
Nahibaluan nga sugod sang nagpungko si Wanky bilang director sang PRO6, wala pa sang may nagpositibo nga pulis sa ginapatigayon nga surprise drug test.
