ILOILO CITY- Padayon pa nga gina-validate sang Police Regional Office 6 ang impormasyon angot sa ginaalegar nga mga kapulisan nga involved sa illegal drugs.
Sa interview sang Bombo Radyo kay PBGen Leo Francisco,director sang Police Regional Office 6, iya ginpahayag nga may 10 ka mga police personnel nga ginapahayag may kaangtanan sa amo nga iligal nga buluhaton kun sa diin iban diri ang mga opisyal pa.
Suno kay Francisco,sin-o man nga mapamatud-an nga guilty ang magapangatubang sang criminal kag administrative charges.
Ginapasiguro naman sang heneral nga padayon ang paghulag sang ilacounter intelligence batok sa mga ninja cops.
Dugang niya, ini ang kabahin sang nagapadayon nga internal cleansing sa Philippine National Police.
