ILOILO CITY– Wala naapektuhan ang Police Regional Office 6 sa pagpanaog sa pwesto ni Philippine National Police Chief Oscar Albayalde.
Sa interview sang Bombo Radyo kay PRO 6 Spokesperson Police Lt. Col. Joem Malong, iya ginpahayag nga padayun sa gihapon ang operasyon sang PRO 6.
Suno kay Malong, Flexible man sila sa kun ano man nga mga pagbag-o.
Posible naman suno kay Malong nga ang pagdesisyon ni Albayalde nga magpanaog sa iya pwesto antes paman ang nakatalana nga retirement, ang paghatag man sang nagakaigo nga tion sa Presidente agud makapili sang magabulos sa posisyon.
Sa subong suno kay Malong, magahalin na ang tanan nga orders sa Officer-in-charge- nga si Lieutenant General Archie Francisco Gamboa apang limitado lang ini sa day to day functions.
