Handa ang Police Regional Office 6 (PRO-6) nga magtuon sang Korean language agud masolbar ang kriminalidad sa Western Visayas nga involve ang mga foreign nationals.
Sa interview sang Bombo Radyo kay Police Lieutenant Colonel Arnel Solis, Spokesperson sang Police Regional Office 6, iya ginpahayag nga bukas ang talatapan sa amo nga tikang agud nga mapasangkad ang ihibalo sang kapulisan nahanungod sa Korean language.
Suno kay Solis, makabulig ini sa mga desk officers nga masami man nagapanguna sa pag-entertain sa mga tawo nga nagapadulong sa istasyon sang kapulisan.
Nagapati man ini nga ang pagtuon sang amo nga lengwahe makabulig sa mga otoridad nga yara sa mga lugar nga masami ginadugok sang mga turista, lakip na diri ang Boracay Island.
Luwas sa Korean language, epektibo man nga ginasunod sang kapulisan ang paggamit sang English sa mga turista.
