Naglab-ot sa malapit 11,000 ang narecord nga violations sa Western Visayas may kaangtanan sa pagpatuman sang Safer Cities Initiative.
Sa kabilugan nga 10,932 nga violations, yara sa 3,431 ang nadagdagan sang penalidad.
7,479 naman ka violators ang nahatagan sang warning kag gin-release.
Kalabanan sa violations amo ang pag-inom kag pagpanigarilyo sa pampubliko nga lugar, curfew for minors, paglagaw sa dalanon nga wala sang pang-ibabaw nga panapton, kag paggamit sang karaoke nga lapaw sa ginatugutan nga oras.
Sa interview sang Bombo Radyo kay PBGen. Josefino Ligan, Director sang Police Regional Office 6, iya ginpahayag nga ini nga numero sang mga violators ang mas manubo kun ikumprara sa iban nga rehiyon.
Suno kay Ligan, ginalantaw niya ini nga positibo nga butang bangud nga base sa iya obserbasyon, mga mabuot ang mga tawo sa rehiyon gani tuman ka minimal lang ang marekord nga violators.
