ILOILO CITY- Naglab-ot sa 16 ka mga menor de edad nga involved sa krimen ang narecord sang Police Regional Office (PRO) 6 humalin Enero tubtob Marso 2022.
Sa interview sang Bombo Radyo kay PLt Col Arnel Solis, spokesperson sang PRO-6, base sa ila data, lima diri ang halin sa Iloilo City, apat ang halin sa Iloilo Province, tatlo ang halin sa Negros Occidental, kag tag-isa naman sa nabilin nga kaprobinsiyahanan.
Suno kay Solis, kalabanan sa sini nga menor de edad ang may yara sang grupo nga nagaka-involve sa kinagamo nga nagaresulta sa paghimo sang krimen.
Pahayag pa ni Solis, ini nga mga menor de edad nga madakpan bangud sa nakomiter nga krimen ang ginaturn-over sa Municipal Social Welfare and Development Office.
