ILOILO CITY – Indi lamang pagpasiguro sang kalinong kag katawhay ang ginatutukan sang kapulisan sa Western Visayas kundi, nagabulig man sila sa pag-address sang isa sa dako nga kinahanglanon sang publiko nga amo ang dugo.
Sa interview sang Bombo Radyo kay Police Brigadier General Archival Macala, Deputy Regional Director for Administration sang Police Regional Office VI, iya ginpahayag nga mangin sila nga mga pulis ang maga-upod kag magasuporta man sa Dugong Bombo 2023, A Little Pain, A Life to Gain ilabi subong nga nagbalik na sa normal ang sitwasyon kasunod sang Coronavirus Disease 2019 pandemic.
Suno kay Macala, importante ang pagdonar sang dugo bangud nga indi lamang ini makabulig sa isigkapareho kundi makapa-ayo man sa pamatyag sang isa ka tawo.
Ginhalimbawa man niya ang nangin isa sa pinakadako na supporter sang Red Cross nga si anay presidente Fidel V. Ramos.
Si Ramos ang nangin regular blood donor na humalin pa sang 1954.
Pahayag ni Macala, ang pagdonar sang dugo ang nangin sekreto sang anay presidente sa iya malaba kag produktibo nga kabuhi.
Mga Ka Bombo kag Ka Starnation… gina-imbitaran namon kamo tanan nga magpalista, magbulig kag mangin blood donor sa Dugong Bombo 2023, A Little Pain, A Life to Gain subong nga Nobyembre 18, 2023!
Ang ini nga bloodiest single-day blood donation program ang patigayunon sa 24 key cities sa diin makit-an ang 31 fully digitalized Bombo Radyo kag Star FM stations.
Kaupod ang Bombo Radyo Foundation, Inc. kag Philippine Red Cross.
Sa adlaw sang Dugong Bombo, magapanagtag sang Dugong Bombo T-shirt on a first come first served basis kag multi-vitamins kaangay sang FORTI-D, nga nagabulig sa pag-regulate sang hormones agud mabatuan ang stress kag FORTIPLEX- Fortified B Complex, nga nagabulig sa pagbato sa pagpang-alay kag paghina nga dulot sang aging kag pre-existing conditions kaangay sang diabetes, hypertension kag high cholesterol.
