ILOILO CITY – Na-identify na sang Police Regional Office (PRO)- VI ang mga eskwelahan nga maga-serbe nga voting precinct para sa May 9, 2022 elections.
Sa interview sang Bombo Radyo kay Pol. Lt. Col. Arnel Solis, spokesperson sang PROV VI, iya ginpahayag nga mangin ang pamaagi sa pagkadto sa mga voting centers ang ginhibalo na sang kapulisan.
Suno kay Solis, ang nagapanguna nga papel sang kapulisan amo nga protektahan ang voting-counting machines (VCM) kag iban pa nga election paraphernalia.
Kabahin man sang papel sang kapulisan amo nga ipabilin ang kalinong sa lugar kag mag-responde sa tanan nga insidente nga mahimo nga matabo.
Nagpakig-angut naman ang PRO VI sa 3rd Infantry Division sa deployment sa mga lugar nga may presensya sang rebelde.
