Nagpasalig ang Police Regional Office (PRO) VI, nga magahatag sila sang bulig pinansyal sa nagtaliwan nga police personnel sang Arevalo Police Station.
Matandaan nga ginapahayag ginbawian sang kabuhi ang nasambit nga pulis matapos naglain ang pamatyag isa ka adlaw matapos nagpabakuna batok sa COVID-19.
Sa interview sang Bombo Radyo kay Police Lt. Col. Joem Malong, spokesperson sang PRO VI, iya ginpahayag nga pasiguraduhon nila nga mahatag sa pamilya sang pulis ang tanan nga benepisyo sini kag pensyon.
Suno kay Malong, buligan man nila ang pamilya sang pulis nga padalion ang pagproseso sang tanan nga dokumento sang nagtaliwan nga himata.
Pahayag ni Malong, sa subong, ginahulat pa nila ang final report may kaangtanan sa matuod nga gintunaan sang kamatayon sang pulis.
