Hugot ang monitoring sang Police Regional Office 6 (PRO-6) sa ila katapo kasunod man sang mahimo mangin epekto sang tuman ka init nga tyempo sa kapulisan.
Sa interview sang Bombo Radyo kay Police Lieutenant Colonel Arnel Solis, spokesperson sang Police Regional Office 6, iya ginpahayag nga kon may deployment, pamatyagan gid ang ila nabatyagan kag kon may shift lang man nga makapasilong sila, ubrahon gid agud nga mapalayo sa epekto sang mainit nga panahon.
Suno kay Solis, nakadependi na man sa tagsa ka unit ang pagpasuksok sang komportable nga uniform sa mga kapulisan.
May naka-assign naman nga health desk ang talatapan agud masekyar ang mga ginabatyag sang ila katapo.
Gin-athag man sang natungdan nga ‘per station’ may naga-monitor sa ila ikaayong-lawas.
Tinutuyo sang tikang amo ang malikaw ang kapulisan sa heat stroke, hypertension, kag iban pa nga heat related conditions nga posible maangkon sa tuman ka dugay nga exposure sa adlaw.
