𝗜𝗟𝗢𝗜𝗟𝗢 𝗖𝗜𝗧𝗬 —Hugot nga ginabantayan sang Police Regional Office 6 (PRO6) ang tanan nga mga bilyaran sa Iloilo City kag bug-os nga Western Visayas.
Ini kaangot man sa ginapahayag nga pustahanay nga natabo sa The Spot nga bilyaran sa Brgy. Bolilao, Mandurriao, Iloilo City.
Sa interview sang Bombo Radyo kay Police Brigadier General Jack Wanky, Regional Director sang Police Regional Office 6, iya ginpahayag nga ginpapanaugan sini ang tanan nga talatapan sang order agud nga sekyaron ang tanan nga mga bilyaran.
Suno kay Wanky, ginaimbestigaran na mismo sang ila talatapan ang natabo sa bilyaran, agud matumod kon may pustahanay gidman nga natabo.
Ginpahayag man sini nga ang tikang ang may tinutuyo nga mapahilway sa illegal gambling ang syudad kag rehiyon.
Una naman nga ginpahayag sang Iloilo City Police Office (ICPO) nga nagapatuman na sila sang pagpatrolya sa amo nga bilyaran agud indi na maliwat ang amo nga insidente.
Ginalantaw naman ni Wanky nga ang isa ka rason kon ngaa gin-relieve ang anay officer in charge sang Iloilo City Police Station 10 nga si Police Captain Nonito Venteroso, Jr. amo bangud nga may cover up nga natabo insidente.
