Maga-deploy sang 2,000 ka mga kapulisan ang Police Regional Office 6 (PRO6) sa palaabuton nga Dinagyang Festival 2025.
Sa interview sang Bombo Radyo kay Police Brigadier General Jack Wanky, iya ginpahayag nga kon kinahanglanon, may mga reserved na nga dugang nga kapulisan.
Suno kay Wanky, nakadependi pa sa gihapon ang numero bangud mahimo pa nga madugangan ang mga aktibidad sang Dinagyang Festival.
Ginpahayag man sini nga subject to discuss ang signal jamming kon ini ang igapatuman sa Dinagyang Festival.
Gin-athag man ni Wanky nga kon kinahanglanon gid, mahimo magpatuman sang signal jamming, apang kon wala lang man sang pagpamahog sa seguridad, ipaiway na lang ang amo nga tikang.
