Naghatag sang paandam ang Police Regional Office (PRO-6) sa publiko nga likawan gid ang pag-post sa social media sang mga plano nga long vacation summer, agud malikawan ang posible nga krimen.
Suno kay PBGen Josefino Ligan, Regional Director sang PRO6, labing delikado ang pagpost sa social media bangud ini amo ang nagapamaan sa mga may malain nga intensyon nga wala sang sablag sa ila plano kaangay sang pagsulod sa mga balay kag magpangawat.
Pahayag niya, mas maayo kun pagkatapos na lang sang bakasyon mapost sa social media platforms ang mga laragway agud nga malikawan gid ang madamo nga mga malain nga posibilidad.
Nagpahanumdom man si Ligan sa publiko nga mangin vigilante gid sa mga lugar nga ila pagakadtuan agud makalikaw sa mga modus kag pagpangawat.
 sa publiko nga likawan gid ang pag-post sa social media sang mga plano nga long vacation summer, agud malikawan ang posible nga krimen.){kind=link}