πππ’πππ’ πππ§π¬ βGinklaro sang Police Regional Office 6 (PRO6) nga wala sang may na monitor nga mga Chinese Nationals nga imbolbadlo sa mga iligal nga buluhaton sa Iloilo City.
Ini ang baliskad sa ginpahayag ni Iloilo City Lone District Representative Julienne “Jam-jam” Baronda nga may yara sang mga Chinese nationals nga nagapatuman sang iligal nga buluhaton sa syudad.
Sa interview sang Bombo Raydo kay Police Brigadier General Jack Wanky, Regional Director sang Police Regional Office 6, iya ginpahayag nga regular ang monitoring nga ginapatuman sang ahensya kaupod ang National Bureau of Investigation (NBI) agud nga masiguro nga wala sang makalusot nga mga illegal activities sang mga foreigners sa Iloilo City.
Suno kay Wanky, apisar nga wala sang may ginkumpirmar ang ahensya, nagpasalig ini nga pasangkaron ang pagbantay sa mga foreign nationals sa syudad.
Gin-athag man sini nga ang mga Chinese National nga yara sa syudad subong, ang lunsay na nga mga Filipino citizens samtang sila ang naga-negosyo.
Apang, sa pihak sini, ipasekyar sa gihapon sang Police Regional Office 6 sa business permit and licensing office sang city hall ang mga lisensya sang mga Chinese nationals.
Nahibaluan nga una na nga nagpadala sang sulat si Congresswoman Baronda agud nga imbestigaran ang pila ka mga subdivision agud matumod kon may iligal nga aktibidad sa syudad sang Iloilo.
