WESTERN VISAYAS – Nangin madinalag-on ang ginpatuman sang mga search warrants sang kapulisan sa bug-os nga Western Visayas sa bilog nga bulan sang Abril.
Sa interview sang Bombo Radyo kay Police Lt. Col. Arnel Solis, spokesperson sang Police Regional Office 6, iya ginpahayag nga sa 17 ka mga search warrants nga ginpatuman, 15 ka mga indibidwal ang naaresto kag 22 ka mga firearms kag isa ka explosive ang nakumpiskar.
Ang mga search warrants ang ginserbe sa Negros Occidental Police Provincial Office nga may pito; Capiz Police Provincial Office nga may apat ; Iloilo Police Provincial Office nga may duha ; kag may tag isa naman ang Antique Police Provincial Office, Iloilo City Police Office, Guimaras Police Provincial Office, kag Regional Mobile Force Battalion 6.
Sa monthlong campaign, 364 ka mga loose kag unregistered firearms kag 46 mga explosives ang nakumpiskar.
