ILOILO – Wala sang gindeklara nga gun ban subong nga yuletide season.
Ini apisar may memorandum nga ginpapanaug ang Philippine National Police (PNP) nga nagapaandam sa mga chiefs of police kag commanders nga sila ang awtomatiko nga i-relieve nagikan sa pwesto sa tion nga indi masolbar sa sulod sang 24 oras ang kaso sang stray bullets sa ila tagsa ka area of responsibility nga magatuga sang injury kag kamatayon.
Sa interview sang Bombo Radyo kay Pol. Lt. Col. Joem Malong, tagpamaba sang Police Regional Office (PRO) VI, iya ginpahayag nga ila lamang hugton ang pagpatuman sang ‘Tokhang Kontra Armas Luthang’, ukon ang pag-educate sa mga gun-owners nga may expired nga lisensya.
Dugang pa ni Malong, pabaskugon man sang kapulisan ang intelligence monitoring.
Nagahingyo man ang natungdan sa publiko nga sa tion nga may yara sila sang nahibaluan nga kaso sang lose firearms, dapat nga gilayon ini nga i-report sa otoridad.
