ILOILO CITY – Nakahanda na ang probinsiya sang Antique para sa pag-host sang Palarong Pambansa 2017.
Sa interview sang Bombo Radyo Iloilo kay Department of Education (DepEd) Assistant Secretary Tonisito Umali nga nagaserbe man secretary-general sang Palarong Pambansa 2017, ginpahayag sini nga 95 percent na nga nakahanda ang venue kun sa diin hiwaton ang nasambit nga sporting event.
Nakahanda naman suno kay Umali ang mga billeting areas sang 12,000 nga mga delegado nga ginalakipan sang 7,000 ka mga atleta kag 5,000 nga mga coaches nga nagikan sa 18 ka mga rehiyon sa pungsod.
Suno kay Umali, lauman nga mangin engrande ang Palarong Pambansa subong nga tuig.
Una nga kahigayunan man ini nga may aerogymnastics kag demonstration sports sa Palaro, kaangay sang wushu, wrestling, futsal kag billiards.
Tema sang Palarong Pambansa 2017 ang “Converges Youth Power, Builds Sustainable Future”.