Ginpasangkad na sang Iloilo Provincial Government ang kampanya batok sa rabies, nga ginatuyo nga matapos antes mag-abot ang tuig 2030, paagi sa mas agresibo nga pagbakuna sa mga ido sa bug-os nga probinsya.
Sa interview sang Bombo Radyo kay Dr. Darel Tabuada, Head sang Provincial Veterinarian’s Office, ginpabutyag niya nga may yara na sang 38 ka barangay sa northern Iloilo nga kabahin sang rabies-free campaign sang probinsya.
Suno sa iya, ang Iloilo Provincial Government sa pagpanguna ni Governor Arthur Defensor Jr. nagatutok nga mangin rabies-free antes mag-abot ang 2030.
May P8 milyon nga pondo para sa anti-rabies vaccines agud mabakunahan ang 70% sang dog population.
Subong, nakaabot na sa 72.73% ang vaccination rate bangud sang bulig sang Municipal Agriculture Offices kag mga volunteer dog vaccinators.
