ILOILO CITY – Naka-record na sang kaso sang African Swine Fever ang probinsya sang Capiz.
Sa sulat ni Department of Agriculture Region VI OIC- Regional Executive Director Engr. Jose Albert Barrogo kay Capiz Governor Fredenil Castro, apat sa anum ka mga samples nagikan sa Barangay Canapian, Maayon ang nagpositibo sa African Swine Fever.
Ini ang kabahin sang field disease surveillance activities sang DA Western Visayas- Regional Animal Diseases and Diagnostic Laboratory.
Kasunod sini, nag-recommend ang ahensya sa nasambit nga probinsya nga gilayon nga magpatuman sang quarantine and disease control measures sa apektado nga lugar, painon kag i-dispose ang nabilin nga mga baboy sa lugar, magpatigayon sang disease investigation ilabi na ang contact tracing, magpatigayon sang field surveillance kag sample collection sa tanan nga farms households sa sulod sang 1-kilometer quarantine zone nagikan sa lugar, kag mag-coordinate sa tanan nga concerned local government unit kag iban nga ahensya ukon opisina para sa pagpatuman sang nagakaigo nga disease control measures sa area of concern sandig sa nakabutang sa Bureau of Animal Industry guidelines.
