GUIMARAS– Ginpahugot pa sang Guimaras Police Provincial Office ang pagbantay sa mga borders sa Probinsya sang Guimaras, kadungan sang implementasyon sang enhanced community quarantine.
Sa interview sang Bombo Radyo kay Guimaras Police Provincial Office Director Police Colonel Pablito Asmod, iya ginpahayag nga nagpatigayun sila sang synchronized checkpoint sa mga dalanon kag sa borders sang probinsya.
Suno kay Asmod, luyag nila masigurado nga hilway sa coronavirus disease 2019 ang probinsya sang Guimaras kag mapasiguro nga magapabilin ang kalinong kag katawhay apisar sang krisis.
Nagapasalamat man siya suno sa natungdan bangud sa kooperasyon sang mga Guimarasnon sa ginapatuman nga pagsulundan.
