ILOILO CITY- Wala sang narekord nga dalagko nga insidente ang Guimaras Police Provincial Office (GPPO) sa pagtakop sang kwaresma.
Sa interview sang Bombo Radyo kay GPPO Director n Police Colonel Julio Gustilo, iya ginpahayag nga wala sila sang may nabatun nga mga reports may kaangtanan sa dalagko nga insidente bangud nangin malinung kag matawhay ang pagpadulongs ang mga tawo sa Balaan Bukid.
Suno kay Gustilo may yara man sang mga nagkalalipong apang gilayun naman ini nga nahatagan sang nagakaigo nga medical treatment.
Pahayag ni Gustilo nga may yara man sang mga insidente sang nagkaladula nga bata apang gilayun naman ang mga ini naturn over sa ila tagsa ka mga ginikanan.
Wala man suno kay Gustilo sang narekord nga mga kaso sang pagkalunod sa mga resorts sang probinsya.
