Excellent ang assessment ni Iloilo Governor Arthur Defensor Jr. para sa tuig 2022 sa probinsya sang Iloilo matapos mangin madinalag-on sa pagpasanyog sang growth areas kag investment centers.
Sa interview sang Bombo Radyo kay Defensor Jr., iya ginpahayag nga ang 2022 ang tuig nga ginakabig pinakaimportante bangud nalumpawasan sang probinsya ang mga pagpanghangkat sang coronavirus disease 2019.
Suno kay Defensor, magapadayon ang probinsya sa pagpasanyog sang agricultural production, valued chain para sa produkto pang agrikultura kag mag-generate sang negosyo kag trabaho sa probinsya.
Diri man nagsulod suno kay Defensor ang pag-utilize sang international airport, pag-developing sang port sa Dumangas, kag expansion sang BPO industry kag light industries nga kinanghalanon sa pag-uswag sang probinsya sang Iloilo.
