Nagpabilin ang kalinong sa kabug-usan nga probinsya sang Iloilo kadungan sang pagsaulog sang bag-ong tuig.
Suno kay Police Lieutenant Colonel Rolando Araño, spokesperson sang Iloilo Police Provincial Office, iya ginpakigbahin nga wala sang major nga insidente nga ginrespondehan ang kapulisan sa bug-os nga probinsya.
May yara man sang pila ka minor nga insidente nga na-record sa nagkalain-lain nga kabanwahanan, lakip na ang pagpamahog sang armas luthang sa banwa sang Sta. Barbara kag komosyon sa banwa sang Pavia, nga gilayon man ginrespondehan sang kapulisan.
Ginklaro naman ni Col. Araño nga indi matuod ang gin-alegar shooting incident sa banwa sang Dumangas.
Ginpaandaman man sang kapulisan ang publiko batok sa stray bullet incident nga natabo sa banwa sang Mina, kag ginpahayag nga magapangatubang sang mabug-at nga penalidad ang kun sin-o man ang madakpan nga nagapatigayon sang mga buluhaton nga makahalit sa seguridad sang publiko.
