ILOILO CITY – Patay ang isa ka Filipino-Chinese businessman matapos ginaalegar nagluthang sang iya kaugalingon sa Barangay Avanceña, Molo, Iloilo City.
Ang biktima ang nagapang-edaron sang 72 anyos kay may yara sang ginapanag-iyahan nga apat ka units sang boardinghouse.
Sa interview sang Bombo Radyo kay Jojo Jaucian, tatlo na ka tuig nga empleyado sang biktima, iya ginpahayag nga kahapon sang hapon, ginpatawag siya sang iya nga amo kag ginpaupod sa punong barangay agud nga maglantaw sang submeter sa gwa sang iya nga balay.
Antes gintuman ang sugo sang biktima, ginpahayag nakaistorya pa ang punong barangay sa biktima.
Apisar “nagaluya” ang lawas sang biktima, nagpamalibad pa ini nga magpacheck-up bangud “nakapoy” na siya kag indi masyado makalakat bangud may duha pa ka baston.
Sang nakagwa na si Jaucian kag ang punong barangay, isa ka lupok ang nabatian kag sang ginbalikan ang iya nga amo sa sulod, nagahamyangon na ini kag may pilas sa ulo tuga sang pagluthang.
Ginakaptan sang biktima ang iya nga 12-gauge shotgun.
Posible suno sa natungdan nga nagaproblema ang Fil-Chinese sa iya nga ikaayong lawas kag wala pa sang pamilya diri sa Iloilo bangud ginapahayag nga yara ang iya nga utod sa Zamboanga.
Napahibalo naman ang pamilya sang natabo kag ginapahayag kumbinsido sila nga wala sang foul play nga natabo.
