MANILA – Natalana nga imbestigaran sang Kamara ang repatriation sang linibo ka mga overseas Filipino workers (OFWs) sa tunga sang ginasuprer nga COVID-19 pandemic.
Ini bangud may yara gihapon nga mga OFWs nga na-stranded sa luwas sang pungsod ukon nakapauli naman sa Pilipinas apang wala pa nakabalik sa ila hometown.
Ang imbestigasyon ang pamunuan sang House Committee on Public Accounts kag pangunahan ni Anakalusugan party-list Representative Mike Defensor.
Suno kay Defensor, tun-an kag hatagan sang solusyon ang mga problema sang mga OFWs ilabi na ang unemployment kasunod sang ginapangatubang nga krisis amo man ang tuman ka dugay kag komplikado nga proseso sang repatriation.
Matandaan nga una na nga gin-anunsyar sang national government nga ginalauman ang pag-repatriate sang 100,000 tubtob 200,000 ka mga OFWs kun magpadayon pa ang krisis subong nga tuig.
