𝗚𝗨𝗜𝗠𝗔𝗥𝗔𝗦 – Nagaserbe na subong bilang modelo sang kadalag-an sa local poultry industry ang Native Chicken Production and Marketing Enterprise sa Guimaras.
Ini ang ginpondohan pinaagi sa Philippine Rural Development Project sang Department of Agriculture.
Ginpangunahan naman ini sang Buenavista Development Cooperative sa bulig man sang ila mga cluster members nga Concordia Livestock and Poultry Raisers Association kag Guimaras Poultry and Livestock Raisers Association.
Pinaagi sini madamo naman ang mga nahatagan sang palangabuhian.
Ang ini nga proyekto ang gin-umpisahan sang 2023 nga natuon man sa tyempo sa diin mataas ang demand sa mga bisaya nga manok.
Nahibaluan nga ang bisaya nga manok ang masami nga palangabuhian sa Western Visayas sa diin nagahatag ini sang dugang nga kita kag source man sang protina.
