Nagnubo ang produksyon sang mais sa Western Visayas sa ika-apat nga quarter sang 2025 suno sa Philippine Statistics Authority (PSA).
Ang kabilugan nga harvest nagnubo sang 14.3% sa 17,123 metric tons halin sa halos 20,000 metric tons sang nagligad nga tuig.
Nagapanguna sa gihapon ang Iloilo sa produksyon sang Mais nga may yara sang 8,941 metric tons ukon 52% sang kabilugan nga harvest.
Nagapangaduha ang Capiz nga may 6,930 metric tons ukon 40.5%, Antique nga may 840 metric tons ukon halos 5%.
Guimaras nga may 257metric tons 1.5% kag Aklan nga may 154 metric tons ukon 0.9% .
Suno sa PSA, ang pagnubo ang dala sang pag-gamay sang mga kadutaan nga ginatamnan kag paghina sang bunga sang nasambit nga produkto.
Ang probinsya lamang sang Antique ang naka-record sang pagdamo sang tanum sang mais, samtang ang Aklan ang may mataas nga pagnubo.
.){kind=link}