Ginalauman nga maganubo sa 3.10 milyon ka metriko tonelada ang produksyon sang palay sa Pilipinas halin bulan sang Hulyo tubtob Setyembre 2026.
Mas manubo ini sang 17.2% kun ikumpra sa 3.75 milyon ka metriko tonelada sang kapareho nga tion sang nagligad nga tuig base sa datos sang Philippine Statistics Authority.
Nagnubo man sa ginabanta masobra 753,000 nga ektarya sang lupa nga gin-anihan sang palay, ukon 17.8% nga mas manubo kun ikumpara sadtong 2025.
Apisar sini, ginalauman nga magataas ang ani sang palay kada ektarya sa 4.12% metriko ka tonelada.
Ginalauman man nga maganubo sa 2.08 milyon ka tonelada ang produksyon sang mais.
Bangud sini, target sang National Food Authority nga makabakal sang tubtob 500, 000 metriko tonelada sang palay sa subong nga tion sang anihan.
Ginaduso man sang Department of Agriculture ang pagtaas sang limitasyon sang pag-import sang mais agud makabulig sa pagpugong sa pagtaas sang gastos sa pagkaon sang mga baboy kag manok bangud sa peligro sang El Niño.
