Magapadayon na sa paghatag liwat sang serbissyo ang programa sang Department of Social Welfare and Development (DSWD) nga Assistance to Individuals in Crisis Situation (AICS) program sa kapin 3.9 milyon ka benepisyaryo sini.
Ini matapos ang gin-defund nga Ayuda sa Kapos ang Kita Program (AKAP) sang gobyerno.
Ang ahensya may naalokar nga P63.8 bilyon nga budget sa AICS para sa tuig 2026.
Suno kay Edwin Morata, direktor sang DSWD Crisis Intervention Program (CIP), maka-igo ang pondo para maserbisyuhan ang mga anay AKAP beneficiaries.
Ginpahayag niya nga ang 3.9 milyon ka mga benepisyaryo parte sa gihapon sang AICS subong nga tuig nga kadam-an ang nagapangatubang sang krisis.
Ang AKAP nagbulig man sa kapin 3.9 milyon ka Pilipino sang tuig 2025 nga may P24 bilyon nga ayuda para sa medikal kag burial assistance, transportasyon, kag pagkaon.
Ginasiguro sang DSWD nga wala sang politikal nga impluwensya sa pag-isyu sang guarantee letters para sa mga benepisyaryo sang nasambit nga programa sang gobyerno.
