Padayon nga ginaduso sang isa ka progresibo nga grupo ang pag-suspend sa paghatag sang oil regulation sa mga oil industry sources kag ibalik sa gobyerno ang pagkontrol sa presyo sini.
Sa interview sang Bombo Radyo kay Elmer Forro, Chairperson sang Kilusang Mayo Uno kag Secretary General sang Bayan Panay, iya ginpahayag nga nagakadapat nga indi pag-ibasol sa hulag saang world market kag inaway sang Russia kag Ukraine ang pagtimbuok sang presyo sang produktong petrolyo.
Suno kay Forro, kun matigayon nga mabalik sa gobyerno ang pagkontrol sa presyo sang gatong, mabuligan ang mga transport sector kag publiko nga tuman nga naapektuhan sang inflation.
Nahibaluan nga ini na ang ikatatlo nga bes nga nagsaka ang presyo sang produktong petrolyo subong nga Enero.
