Nagapang-agda ang Project Banwa sa publiko nga mag-upod sa ila community-driven initiative nga may tinutuyo nga mapabaskog ang edukasyon sang komunidad nahanungod sa sexual kag reproductive health.
Sa interview sang Bombo Radyo kay Anthony Lopez sang Youth Voice Count, iya ginpahayag nga ang ini nga proyekto ginalakipan sang 40 ka resilient ambassadors kun sa diin may mga responsibilidad sila sa paghatag sang impormasyon sa komunidad agud nga maghanda ang mga ini sa tion sang emerhensya.
Ginalauman man nga paagi sa Project Banwa, malikawan ang mga insidente sang sexual violence sa tion sang krisis kag dapat may ara na sang handa nga serbisyo para sa reproductive health.
Suno pa sa ila nga ang ultimate goal sang proyekto amo ang masiguro nga ang mga kababainhan, kabataan kag LGBTQ+ sectors may yara sang nakahanda nga commodities kag serbisyo sa tion sang emerhensya, agud malikawan ang kaso sang sexual transmission kay may mapatay.
Ginalakipan man ang programa sang mental health awareness kag disaster preparedness, agud malikawan ang mental health distress sa tion sang emerhensya.
Padayon sila nga nagapanawagan nga magbinuligay sa sini nga proyekto agud masiguro ang kahandaan kag kaluwasan sang tanan sa tion sang kalamidad.
