ILOILO CITY – Pormal na nga magabaton ang Project SHIELD ukon Strengthening Every Household as Intervention and Enhancment of Life and Devotion to God sang Lapaz Police Station sa mga tawo nga nagabatyag sang depresyon, kasubo kag sa may mga problema.
Sa interview sang Bombo Radyo kay Dr. Neda June Daguro-Salazar, psychiatrist, iya ginpahayag nga may yara sang tatlo ka mga rason kun ngaa naga suicide ang isa ka tawo.
Lakip diri ang pagbatyag sang tawo nga naga isahanon ini; nagabatyag ang tawo nga nagapabug-at siya sa iya pamilya ukon abyan; kag ang pangatlo amo nga wala ang mga ini nahadlok nga mapatay.
Suno kay Salazar, indi lamang counseling ang ihatag sang project SHIELD sa mga nagakinahanglan sang bulig kundi amo man ang pag-edukar sa ila kag paghatag man sa ila sang paglaom.
Dugang pa sang natungdan, may yara sang psychological screening nga matabo kag may mga kagamitan man nga gamiton agud nga lantawon kun pila ka degree ang problema sang isa ka tawo,
Ang project SHIELD ang maga-cater sa tawo nga may problema kada Sabado alas-tres sang hapon tubtob alas-6 sang gab-i.
