ILOILO CITY – Padayon pa nga ginapangita sang Arevalo Police Station ang tatlo ka mga persona nga nagpalagyo sa ginpatigayon nga anti-illegal gambling operation sa Zone 12, Barangay Calaparan, Arevalo, Iloilo City.
Ang mga at large amo sanday Eric John Barcebas, 33; Vince Margas, lunsay mga residente sang nasambit nga lugar; kag si Christian Capait, residente sang Barangay Quintin Salas, Jaro, Iloilo City.
Arestado naman si Ely Nayre, 27.
Gindakop man sanday Erica Barcebas, 29; kag Emee Grace Montaño, 37, bangud sa pagpugong sang mga pulis rason nga nakapalagyo ang tatlo.
Sa interview sang Bombo Radyo kay Police Captain Mavin Laraño, station commander sang Arevalo Police Station, iya ginpahayag nga ang at large nga si Eric John Barcebas amo ang promoter sang pauwak.
Na-recover sa lugar ang duha ka mga ginabulang nga manok, improvised cockpit kag P 1,360 nga bet money.
Suno kay Laraño, pasakaan sang kaso bwas nga adlaw ang tatlo ka mga at large kag ang tatlo man ka mga arestado.
